Vendbanimi i Vashtmisë, një nga qendrat më të rëndësishme të prehistorisë shqiptare

Sociale | 2 vite më parë

Vendbanimi i Vashtmisë në bashkinë Maliq është cilësuar si vendbanimi më i hershëm në fushë pellgun e Korçës.

Arkeologu, Florenc Cenolli thotë se në këtë rezultat kanë arritur pas kryerjes së analizave c14 ku rezultoi se ky vendbanim ishte më i hershëm se ai i Podgories.

“Vendbanimi i Vashtmisë është më i vjetri, kështu kemi konstatuar gjatë gërmimeve arkeologjike në vitet 2009-2010 nga pala shqiptaro-amerikane që gërmoi këtu. Kemi të bëjmë me një qeramikë monokrome”, tha Cenolli.

Cenolli thotë më tej se vendbanimi i Vashtimisë i përket neolitit të hershëm.

“Kemi të bëjmë me vendbanimin më të hershëm në rajonin e Korçës. Kemi të bëjmë me një vendbanim të periudhës së neolitit të hershëm, një nga fermat më të hershme në rajonin e Shqipërisë, por edhe mbare europian”, tha ai..

Në fushën e Maliqit, arkeologu Frano Prendi ka bërë disa studime, të cilat janë të botuara tek libri “Studime Arkeologjike”, një botim i Qendrës së Studimeve Albanologjike në Tiranë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.