Festivali i këngës për fëmijë, Irini Katundi shpallet fituese në edicionin e 57-të

Sociale | 2 vite më parë

Është mbajtur në Korçë, edicioni i 57-të i Festivalit të këngës për fëmijë. Një event i kthyer në një traditë të përvitshme prej ku kanë dalë emra të njohur të muzikës ndërsa është i rëndësishëm për evidentimin e talenteve të reja.

Në këtë festival ishin në konkurrim 17 këngë ndërsa mbi 70 fëmijë u bënë pjesë në komplekse si dhe solistë. Kënga fituese e këtij edicioni u shpall ajo me titull “Botës ju i falni dashuri”, me tekst e muzikë nga At Spiro Katundi, orkestrim të Kujtim Turkut e kënduar nga Irini Katundi.

Ndërkohë në këtë mbrëmje u ndanë dhe 3 çmime të treta, 2 të dyta, çmimi i performancës më të mirë, ai i publikut, interpretueses më të mirë dhe këngëtarja më e mirë. Festivali u realizua me regji nga Blerta Belliu ndërsa grupi i kërcimit u përgatit nga koreografi Bardhi Pojani.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.