Arsenali rimerr kreun në “Old Trafford”, londinezët kërkojnë

Angli | 2 vite më parë

Arsenali vazhdon të ëndërrojë titullin kampion në Angli dhe tani shpreson që “kushërinjtë” e Tottenhamit ti bëjnë një nder dhe të ndalin Manchester City.

Skuadra e Artetës fiton edhe në “Old Trafford” përballë vendasve të Manchester United: mjafton një gol në minutën e 20-të nga Trossard, për t’i dhënë londinezëve tre pikë të dobishme për t’u rikthyer në krye.

Tani e gjithë vëmendja është kthyer tek ndeshja e së martës mes Spurs dhe Manchester City, ndeshje e prapambetur e javës së 34-t. Skuadra e Guardiolës do të duhet të fitojë për t’u rikthyer në krye.

Kur ka mbetur edhe 1 ndeshje nga përfundimi i kampionatit, Arsenali shijon kreun (për momentin) dhe shpreson që rivalët e City të gabojnë (kujtojmë që Manchester City ka 2 ndeshje për të zhvilluar).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.