Bale e Kane dërgojnë Tottenham në gjysmëfinalen e Carabao Cup

Angli | 6 vite më parë

Tottenham ka arritur të sigurojë kalimin për në gjysmëfinalet e Kupës Carabao pas një suksesi 3-1 në fushën e Stoke City. Spurs thyen ngërçin në minutën e 22-të me një goditje të bukur ajrore nga Bale. Vendasit, megjithatë, mbeten në lojë dhe barazojnë rezultatin në minutën e 53-të me Thompson. Ben Davies shënon golin e kualifikimit 20’ nga fundi me një goditje të fuqishme nga 30 metra. Harry Kane më pas mbyll llogaritë në 81’.

Ajo që vlen të përmendet në këtë sfidë është dhe goli i Bale, i cili akoma nuk ka arritur të gjejë ritmin e duhur, për të lënë pas krahëve polemikat e krijuara kur luante për Realin, dhe të krijojë një realitet të ri aty ku u bë i njohur shumë vite më parë. Gjithsesi, në sfidën e sotme arriti të zhbllokojë një ndeshje që ishte kryesisht e dobët, sidomos gjatë pjesës së parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.