Flamurtari mund Apoloninë, sfidon Laçin për Superioren

Futboll Vendi | 2 vite më parë

Flamurtari ka fituar të drejtën për të sfiduar Laçin në play-out, për të siguruar një vend në Superiore, pasi ka mposhtur në finalen e play-off-it, Apoloninë pas gjuajtjeve të penalltive.

120 minuta lojë në “Elbasan Arena”, për një 0-0, me vlonjatët që luajtën me një lojtar më pak që nga minuta e 76-të: Frashëri u ndëshkua me kartonin e dytë të verdhë.

Fierakët arritën të gjejnë rrugën e rrjetës në shtesë me anë të Omerit, por që u konsiderua i parregullt për një faull në sulm. Më pas gjithçka iu drejtua gjuajtjeve nga pika e bardhë dhe vlonjatët u treguan më të saktë, duke triumfuar me rezultatin 4-3 dhe duke fituar të drejtën për të sfiduar Laçin në play out.

Një ndeshje që do të vendosë se cila skuadër do të luajë në Superiore në sezonin e ardhshëm.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.