Hansi Flick do të jetë trajneri i ardhshëm i Barcelonës. Siç raportohet nga shtypi spanjoll, klubi blaugrana ka marrë miratimin e ish-trajnerit të Bayernit të Mynihut gjatë udhëtimit të djeshëm të rrufeshëm në Londër, ku drejtori sportiv Deco dhe anëtari i Komisionit Sportiv Bojan Krkic takuan Flick.

Në këtë takim ka qenë edhe agjenti i trajnerit, Pini Zahavi; Pavarësisht mohimeve të të gjitha palëve të përfshira, tashmë ka në parim një marrëveshjeje për dy sezonet e ardhshme.

Natyrisht, klubi blaugrana duhet së pari të zgjidhë situatën kontraktuale të Xavi Hernández dhe pjesës tjetër të stafit të tij. Askush, pak ditë para përfundimit të sezonit dhe kampionatit spanjoll, ende nuk i ka komunikuar zyrtarisht trajnerit synimin e tyre për ndarje. Njoftimi zyrtar, sipas të gjitha gjasave, do të jetë pas ndeshjes të së dielës ndaj Sevillas.

Të hënën ose të martën është planifikuar një mbledhje me Komisionin e Sporteve ku Xavit do t’i sqarohen arsyet e ndarjes. Vendimi do të duhet të miratohet nga Bordi Drejtues të enjten, edhe pse në parim nuk priten surpriza: shumica e drejtuesve pranojnë të “heqin qafe” Xavi.