Barcelona i falet Ter Stegen, arrin në finale e Superkupës

Spanjë | 6 vite më parë

Barcelona është finalistja e parë e Superkupës së Spanjës, teksa ka mposhtur Real Sociedad pas gjuajtjeve të penalltive, koha e rregullt u mbyll në barazim 1-1. Të besuarit e trajnerit Koeman do të duhet të presin sfidën Real Madrid-Bilbao, për të mësuar emrin e kundërshtarit me të cilin do të përballen në finale.

Në sfidën e mbrëmjes përballë Sociedad, katalanasit shënuan të parët, në minutën e 39-të me anë të De Jong, assist i Griezmann. Por pjesa e dytë sjell një tjetër tablo të sfidës, një Sociedad më kërkues, që në minutën e 52-të gjen golin e barazimit me Oyarzabal nga pika e penalltisë.

Edhe në shtesë barazimi 1-1 mbeti në fuqi dhe skuadrat iu drejtuan pikës së bardhë. Për katalanasit gabuan De Jong e Griezmann, por Ter Stegen u tregua i jashtëzakonshëm duke neutralizuar kundërshtarin dhe duke siguruar biletën e finales.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.