Gjykata e Lartë e Britanisë vendosi të mërkurën se vetëm gratë biologjike dhe jo trans plotësojnë përkufizimin e një gruaje sipas ligjeve të barazisë, një vendim historik i pritur me shqetësim nga komuniteti trans.

Vendimi përqendrohej në faktin nëse një grua trans me një certifikatë njohjeje gjinore (GRC), një dokument zyrtar që jep njohjen ligjore të gjinisë së re të dikujt, mbrohet nga diskriminimi si grua sipas Aktit të Barazisë së Britanisë.

Gjyqtarët thonë se “koncepti i seksit është binar” ndërsa paralajmërojnë se vendimi historik nuk duhet të shihet si fitore e njërës palë ndaj tjetrës. “Personat transgjinorë kanë ende mbrojtje ligjore nga diskriminimi”, shton gjykata.

Vendimi pason një çështje ligjore midis qeverisë skoceze dhe një grupi për të drejtat e grave, For Women Scotland, për barazinë legjislacioni.

Qeveria skoceze kishte argumentuar se personat transgjinorë me një certifikatë njohjeje gjinore kanë të drejtë për mbrojtje të bazuar në gjini, ndërsa For Women Scotland argumentoi se ato zbatohen vetëm për njerëzit që lindin femra.

Organizata LGBTQ në Britani tha se vendimi i Gjykatës së Lartë në Mbretërinë e Bashkuar ishte “tepër shqetësues për komunitetin trans”.

/rtsh.al/