Republikani Brian Fitzpatrick  ka deklaruar se ai ka diskutuar me presidentin ukrainas, Zelensky mbi marrëveshjen e paqes që SHBA po përpiqet të ndërmjetësojë në Ukrainë.

“Ne folëm gjatë për një mori temash. Ne nuk lamë asgjë jashtë diskutimit” tha Fitzpatrick në CBS .

Fitzpatrick vuri në dukje se Zelensky nënshkroi një memorandum synimi për marrëveshjen e mineraleve, e krijuar për të rritur interesat ekonomike dhe të sigurisë së SHBA në Ukrainë.

Republikani tha se bisedimet e tij me liderin ukrainas u fokusuan në garancitë e sigurisë për të cilat Zelensky ishte “me të drejtë i shqetësuar”.

Republikani i Pensilvanisë, i cili vizitoi Kievin edhe pse partia e tij mbetet e ndarë në lidhje me vazhdimin e ndihmës për Ukrainën, tha se gjasat për një armëpushim varen “krejtësisht nga presidenti rus Vladimir Putin” dhe hodhi dyshime mbi besueshmërinë e liderit rus në negociata.

I pyetur në lidhje me paralajmërimet e Trump se ai duhet të shohë “entuziazëm” në mënyrë që të vazhdojë të lehtësojë bisedimet e paqes për t’i dhënë fund luftës, Fitzpatrick tha: “Shpresoj se i drejtohet Rusisë. Mendoj se i drejtohet Rusisë”.

Më herët, Putin bëri thirrje për një armëpushim të shkurtër në ditën e Pashkëve këtë fundjavë, por secila palë ka akuzuar tjetrën për shkelje të armëpushimit dhe motivet e presidentit rus për të bërë njoftimin janë vënë në pikëpyetje ashpër në dritën e komenteve të fundit të administratës Trump.

/rtsh.al/