Presidenti amerikan Donald Trump ka deklaruar se Shtetet e Bashkuara të Amerikës do të zgjerojë marrëveshjen e ‘Abrahamit’  dhe se është në rrugë në të mbarë në negociatat me Iranin.

Duke folur me gazetarët në Zyrën Ovale, Trump përsërit pretendimin e tij se vende të tjera do të normalizojnë marrëdhëniet me Izraelin përmes ndërmjetësimit nga SHBA.

“Ne do ta plotësojmë atë shumë shpejt… Shumë vende duan të hyjnë në Marrëveshjet e Abrahamit”, tha Trump.

Lidhur me bisedimet e vazhdueshme bërthamore me Iranin, Trump thotë se SHBA po zhvillon “takime shumë serioze”.

“Ka vetëm dy opsione. Një opsion nuk është aspak një opsion i mirë”, tha ai, duke iu referuar një opsioni të mundshëm ushtarak nëse Irani vijon krijimin e armëve bërthamore.

Por Trump tregon se kjo mund të mos jetë e nevojshme sepse “ne po ecim shumë mirë në një marrëveshje me Iranin… ajo është në rrugën e duhur. Ne mund të kemi një vendim shumë të mirë dhe shumë jetë do të shpëtohen”, theksoi Trump.

/rtsh.al/