Partizani, “uragani” i rrjetës shqiptare

Sport | 2 vite më parë

Partizani për herë të 17-të kampioni i Shqipërisë në volejboll për meshkuj. Në një finale krejtësisht të dominuar, të kuqtë e Ylli Tomorrit kanë fituar 3-0 ndaj Skënderbeut. E kjo në një hark kohor prej një orë e dhjetë minutash. 25-13, 25-15 dhe 25-15.

Kupën kapitenit Osman Qepa ia ka dorëzuar presidenti i Federatës Shqiptare të Volejbollit, Erlind Pëllumbi, kurse zëvendëspresidenti Konalsi Gjoka, anëtari i Komitetit Drejtues, Sokol Halili, si dhe sekretari i përgjithshëm Elvis Dosti, bënë shpërndarjet e medaljet.

Për Tomorrin, ky Partizani triumfator në të gjitha aktivitetet është efekt i punës së përditshme. Pa harruar këtu dhe produktin që vjen nga Akademia Partizani.

Tanimë është radha e femrave, ndërsa të martën në ora 17:00 në Pallatin e Sportit në Farkë do të luhet finalja e dytë për titull kampion, Tirana – Skënderbeu.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.