NBA play-off/ Clippers dhe Nuggets shkojnë në ndeshjen e shtatë, Nju Jork eliminon Detroit

Basketboll | 2 vite më parë

Në periodën e tretë Clippers arritën një avantazh prej 15 pikësh në ndeshjen e gjashtë kundër Denverit falë Xhejms Harden (28 pikë) dhe Kaëhi Leonard (27 pikë), por në fund rrezikuan shumë edhe pse ndeshja u mbyll në favorin e tyre me shifrat 111-105. Ekipi nga Los Anxhelos bëri një tjetër takim të madh duke detyruar Denverin e Jokiç të luajë ndeshjen e shtatë për të vendosur se cila prej dy formacioneve do të kalojë për më tej.

Ndërsa në takimin tjetër mes Nju Jork dhe Detroit deciziv ishte një kosh i shënuar nga Xhejlën Brunson vetëm katër sekonda nga fundi. Lojtari i Knicks ishte autor i një ndeshje të madhe pasi shënoi plot 40 pikë ndërsa Pistons për një kohë të gjatë shpresuan që të dërgonin serinë e duelit në 3-3. Nju Jork mposhti Detroit me shifrat 113-116 dhe fitoi kështu serinë 4-2.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.