Tym i zi u ngrit të mërkurën nga oxhaku i Kapelës Sistine në Vatikan, duke sinjalizuar se 133 kardinalët nuk arritën një marrëveshje për zgjedhjen e Papës së ri në ditën e parë të konklavës.

Pas raundit të parë të votimit, asnjëri nga kandidatët nuk mori shumicën e nevojshme prej dy të tretash të votave, një kërkesë thelbësore për t’u shpallur Papa i 267-të i Kishës Katolike Romake.

Mijëra besimtarë dhe vizitorë nga e gjithë bota, të mbledhur në sheshin e Shën Pjetrit, panë tymnajën tradicionale. Sipas procedurës, nga dita e nesërme do të zhvillohen deri në katër votime në ditë, dy paradite dhe dy pasdite, derisa të arrihet shumica e cilësuar prej dy të tretat e votave të kardinalëve të mbledhur.

Ndërkohë, Sheshi i Shën Pjetrit mbetet i mbushur me pelegrinë dhe vizitorë që presin me padurim sinjalin e bardhë, që do të shpallë Papën e ri.

/rtsh.al/