Asllani largohet nga Interi në fund të sezonit

Futboll Bota | 1 vit më parë

Pavarësisht se luhet ende për titullin kampion dhe mbi të gjitha një finale e Ligës së Kampionëve që mund të ndryshojë fatin e skuadrës, Interi tashmë po mendon për merkaton e ardhshme, veçanërisht atë të largimeve.

Mëngjesin e sotëm “Corriere dello Sport-Stadio” njoftoi një vendim që tashmë duket se është marrë: Asllani nuk do të vazhdojë aventurën me zikaltërit përtej këtij sezoni.

Rreth 9 muaj pas rinovimit të kontratës deri në vitin 2029, mesfushori shqiptar ka vendosur të mos e veshë më fanellën e klubit milanez.

Drejtuesit e Interit synojnë të arkëtojnë një shifër të konsiderueshme me shitjen e tij. Dhe vetë Asllani mund të ketë mundësinë të tregojë vlerat e tij në një klub tjetër, ndoshta pa presionin, që ka te zikaltërit.

asllani

inter

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.