Sekretari i Përgjithshëm i NATO-s Mark Rutte ka deklaruar se Rusia ka dërguar një delegacion të nivelit të ulët të pamjaftueshme për të zhvilluar negociatat me Ukrainën në Stamboll në Turqi.

Gjatë një konference për mediat pas një takimi joformal të ministrave të Jashtëm të NATO-s në Antalia, Turqi.

“Rusia dërgoi një delegacion të nivelit të ulët”, deklaroi  Rutte.

Takimi joformal i NATO-s, i mbajtur nga 14 deri në 16 maj në Antalia është përqendruar shumë në luftën në shkallë të plotë të Rusisë kundër Ukrainës.

Ministrat e Jashtëm nga vendet anëtare të NATO-s po diskutojnë mbështetje të vazhdueshme ushtarake dhe diplomatike për në Kiev.

Samiti i ardhshëm i Liderëve të NATO-s do të zhvillohet në Hagë, Hollandë, nga 24 deri në 26 qershor 2025. Presidenti ukrainas Volodymyr Zelenskyy pritet të marrë pjesë.

Më herët më 15 maj, Zelensky takoi presidentin turk Rexhep Tajip Erdogan, takim pas të cilit pritet të përcaktojë hapat e ardhshëm të Ukrainës në lidhje me negociatat me Rusinë.

Delegacioni i Ukrainës në Turqi përfshin Shefin Presidencial të Shtabit Andriy Yermak, ministrin e Mbrojtjes Rustem Umerov, këshilltarin diplomatik Ihor Zhovkva, zëvendësministrin e Jashtëm Andriy Sybiha, shefin e SBU Vasyl Maliuk, dhe përfaqësuesit e Forcave të Mbrojtjes së Ukrainës dhe agjencive të inteligjencës.

Kremlini ka konfirmuar se presidenti Vladimir Putin nuk do të marrë pjesë në bisedimet e Stambollit. Në vend të kësaj, Rusia ka dërguar një delegacion të kryesuar nga ndihmësi i Putinit Vladimir Medinsky — i cili më parë drejtoi negociatat e dështuara të vitit 2022 — së bashku me zëvendësministrin e Jashtëm Mikhail Galuzin, zëvendësministrin e Mbrojtjes Alexander Fomin dhe shefin e Drejtorisë kryesore të Shtabit të Përgjithshëm Ruse Igor Kostyukov. Sipas ministrisë së Jashtme të Rusisë, bisedimet mund të fillojnë pasdite të 15 majit.

/rtsh.al/