Presidenti Begaj uron Nicușor Dan për fitoren në zgjedhjet presidenciale në Rumani

Aktualitet | 1 vit më parë

Presidenti i Republikës së Shqipërisë, Bajram Begaj, ka uruar presidentin e sapo zgjedhur të Rumanisë, Nicușor Dan, pas fitores në raundin e dytë të zgjedhjeve presidenciale, të mbajtura më 18 maj 2025.

Nicușor Dan, ish-kryetar i Bashkisë së Bukureshtit, siguroi fitoren ndaj kandidatit rival George Simion, duke u shpallur president i ri i Rumanisë.

Në një postim në rrjetin social Facebook, Presidenti Begaj përgëzoi homologun e tij rumun, duke theksuar rëndësinë e marrëdhënieve të mira mes dy vendeve dhe gatishmërinë për bashkëpunim të mëtejshëm.

“Urime Nicușor Dan për zgjedhjen si President i Rumanisë. Shqipëria dhe Rumania gëzojnë marrëdhënie shumë të mira dhe miqësore. Pres me kënaqësi të punojmë së bashku për forcimin e mëtejshëm të tyre në dobi të popujve tanë miq”, shkruan Begaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.