Gjermania po shqyrton mundësinë e rikthimit të rekrutimit ushtarak nga viti i ardhshëm, nëse më shumë vullnetarë nuk regjistrohen në forcat e armatosura, tha ministri gjerman i Mbrojtjes, Boris Pistorius.

Boris Pistorius tha se ata mund të rivendosin shërbimin e detyrueshëm ushtarak – nëse një sistem vullnetar i rinovuar nuk arrin të përmbushë qëllimet e rekrutimit.

Në një intervistë me Frankfurter Allgemeine Sonntagszeitung, ai tha se programi fillestar do të mbështetet në regjistrimin vullnetar, por paralajmëroi se kjo mund të ndryshojë, shkruajnë mediat ndërkombëtare.

Plani fillestar për të rritur numrin e vullnetarëve do të mbështetet te vullnetarët, por Pistorius paralajmëroi se kjo mund të ndryshojë nëse numri mbetet i pamjaftueshëm.

 “Nëse vjen koha kur kemi më shumë kapacitete në dispozicion se regjistrimet vullnetare, atëherë mund të merret një vendim që rekrutimi të bëhet i detyrueshëm”, tha Pistorius.

Shërbimi i detyrueshëm ushtarak u hoq në vitin 2011.

Që nga pushtimi i Ukrainës nga Rusia tre vjet më parë, Gjermania është përpjekur të rrisë shpenzimet dhe aftësitë e saj mbrojtëse.

Rreth 100,000 ushtarë shtesë janë të nevojshëm për të përmbushur detyrimet e saj si pjesë e aleancës ushtarake të NATO-s.

Pistorius shtoi se qeveria e koalicionit e Kancelarit Friedrich Merz shpreson të prezantojë një projektligj të ri për shërbimin ushtarak deri në janar të vitit të ardhshëm.

Ministri i mbrojtjes shoqëroi Merzin në Vilnius javën e kaluar për zbulimin zyrtar të një brigade tankesh të blinduara, misioni më i madh ushtarak i huaj i Gjermanisë që nga Lufta e Dytë Botërore.

/rtsh.al/