Levandovski kërkon pushim, nuk do të jetë në ndeshjet e qershorit me Poloninë

Futboll Bota | 1 vit më parë

Edhe Robert Levandovski ka nevojë për pushim. Pas një sezoni të gjatë me Barcelonën, 36-vjeçari i ka kërkuar trajnerit të kombëtares polake që të mos e grumbullojë në dy takimet e qershorit (më 6 Polonia sfidon në miqësore Moldavinë, më 10 Finlandën për Kualifikueset e Botërorit 2026).

Komisari teknik i Polonisë, Michal Probierz, ka pranuar kërkesën e polakut duke marrë parasysh sezonin e lodhshëm. 36-vjeçari ka luajtur plot 52 ndeshje, 47 prej të cilave i ka nisur që nga minuta e parë duke shënuar plot 42 herë.

Numrat flasin qartë për impenjimet e shumta të Levës, i cili ka kërkuar mirëkuptimin e shokëve të ekipit, të cilët i ka siguruar se do të jetë gati në shtator.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.