Me përfundimin e kampionateve evropiane, praktikisht është përcaktuar edhe korniza e Ligës së Kampionëve për sezonin 2025/26: 29 klube janë kualifikuar tashmë për edicionin e ardhshëm të kompeticionit më të rëndësishëm europian për klube dhe për të kompletuar grupin prej 36 pjesëmarrësish në fazën e Ligës – e cila do të fillojë në mesin e shtatorit – mungojnë vetëm 7 ekipet që do të përcaktohen nga ndeshjet kualifikueset që kulmojnë me Play Off-et në gusht. Shorti i fazës së parë do të hidhet më 28 gusht.

Vazo e parë është përcaktuar tashmë, duke përfshirë Real Madrid, Manchester City, Bayern Munich, Liverpool, PSG, Inter, Borussia Dortmund, Chelsea dhe Barcelonën.

Zikaltërit, për shkak të pranisë masive të skuadrave angleze (6, hera e parë në historinë e një kombi) dhe pamundësisë së derbive me skuadra nga i njëjti vend, me siguri do të luajnë dy nga tetë ndeshjet në grup kundër kundërshtarëve anglezë.

Për herë të parë në histori, një komb, Anglia, do të ketë deri në 6 ekipe në fillim të turneut. Spanja, e dyta në renditjen e UEFA-s këtë sezon, do të ketë pesë skuadra në start.

LIGA E KAMPIONËVE 2025/26: EKIPET E KUALIFIKUARA

ITALI: Inter, Atalanta, Juventus, Napoli

GJERMANI: Bayern Munich, Bayer Leverkusen, Borussia Dortmund, Eintracht Frankfurt

FRANCË: Paris Saint-Germain, Marseille, Monaco

ANGLIA: Liverpool, Arsenal, Tottenham, Manchester City, Chelsea, Newcastle

SPANJË: Barcelona, ​​​​Real Madrid, Atletico Madrid, Athletic Club, Villarreal

REPUBLIKA ÇEKE: Slavia Pragë

GREQI: Olympiacos

HOLANDË: Ajax, PSV

PORTUGALI: Sporting Lisbon

Turqi: Galatasaray

BELGJIKË: Union Saint-Gilloise