Mbappé bën 50 me Francën, rikthehet te golat me aksion pas më shumë se një viti

Futboll Bota | 1 vit më parë

Kylian Mbappé është rikthyer në qendër të vëmendjes. Shënuesi i një penalltie dhe një asisti kundër Spanjës në gjysmëfinalen emocionuese të së enjtes, e cila përfundoi 5-4 për ekipin e De la Fuentes, i dha Francës epërsinë në fundin e pjesës së parë kundër Gjermanisë në ndeshjen për vendin e tretë në Ligën e Kombeve.

Me një asistim nga Aurélien Tchouaméni, numri 10 kontrolloi topin në zonën e penalltisë për të mposhtur më pas Ter Stegen, i cili preku topin, por nuk arriti ta shmangte. Një gol që i lejon atij të arrijë rekordin prej 50 golash për ekipin kombëtar.

Lojtari i lindur në vitin 1998 kthehet të shënojë në aksion pas më shumë se një viti. Hera e fundit që ai arriti ta bënte këtë ishte më 5 qershor 2024, gjatë miqësores kundër Luksemburgut.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.