Kombëtarja zbret sot në fushë, fitorja në Letoni detyrim për kuqezinjtë

Kombëtarja | 1 vit më parë

Kombëtarja shqiptare do të luajë sot në mbrëmje në orën 20:45 ndaj Letonisë sfidën e katërt të kualifikueseve të Botërorit 2026.

Kuqezinjtë duhet me çdo kusht që të marrin tre pikët në këtë takim, që të mbajnë gjallë shpresat për një kualifikim të mundshëm në fazën finale të Kupës së Botës.

Kapiteni Gjimshiti do të mungojë në transfertën e sotme sepse ka plotësuar numrin e kartonëve, ndërsa në stërvitjen e fundit edhe Ajeti ka pasur probleme fizike.

Pritet që tekniku Silvinjo të bëjë disa ndryshime në formacion në këtë takim krahasuar me sfidën e fundit kundër Serbisë, që u mbyll në barazim 0-0 në Tiranë.

Pas 3 ndeshjeve të zhvilluara në grup, Shqipëria renditet e dyta me 4 pikë, pas Anglisë, që kryeson me pikë të plota.

letoni

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.