Tetë aktivistë nga anija “Thyej Rrethimin” (e njohur edhe si “Madeleine”) të cilët aktualisht mbahet nga forcat pushtuese izraelite në Qendrën Givon, pritet të deportohen me forcë.

Kjo vjen pas ndalimit dhe sekuestrimit të anijes nga Marina Izraelite dhe shoqërimit të saj në portin e Ashdodit në agimin e së martës.

Më herët gjatë ditës, autoritetet izraelite i transferuan aktivistët në Aeroportin Ben Gurion për përgatitjet e deportimit.

Mediat izraelite raportuan se katër nga aktivistët, përfshirë aktivisten suedeze Greta Thunberg, ranë dakord të nënshkruanin një dokument të largimit vullnetar.

Megjithatë, tetë aktivistë të tjerë refuzuan të nënshkruanin dokumentin, midis tyre Rima Hassan, një anëtare e Parlamentit Evropian për Francën.

Aktivistët që refuzuan do të mbahen të ndaluar për 96 orë, pas së cilës ata i nënshtrohen deportimit me ose pa pëlqimin e tyre.

Ushtria izraelite thuhet se kishte sulmuar anijen “Madeleine” të hënën në mëngjes, që mbante aktivistë ndërkombëtarë në solidaritet me Rripin e Gazës, ndërsa përpiqej të thyente bllokadën.

Anija ishte e rrethuar nga anije luftarake armike izraelite, me dronë që fluturonin sipër saj, mes tensioneve të raportuara midis aktivistëve në bord.

/rtsh.al/