Presidenti serb Aleksandar Vuçiç, i cili mban lidhje të forta me Rusinë, do të zhvillojë këtë të mërkurën vizitën e tij të parë në Ukrainë që nga pushtimi rus në vitin 2022.

“Presidenti i Republikës Serbe do të vizitojë Ukrainën të mërkurën, më 11 qershor, ku do të marrë pjesë në samitin Ukrainë-Evropë Juglindore në Odesa”, tha presidenca serbe në një deklaratë.

Serbia ka mbajtur një politikë zyrtare neutraliteti gjatë gjithë ofensivës 3-vjeçare të Moskës në Ukrainë dhe ka mohuar armatosjen e secilës palë.

Por ditët e fundit, Rusia akuzoi kompanitë serbe të armëve se “po përpiqen ta godasin Rusinë pas shpine” duke i shitur municione Ukrainës.

Serbia dhe Ukraina as nuk e kanë konfirmuar dhe as nuk e kanë mohuar që Kievi përdor municione serbe.

Vuçiç është përpjekur të krijojë një lidhje të fortë midis aleatit tradicional Rusinë dhe dëshirës së Serbisë për t’u bashkuar me Bashkimin Evropian, i cili është një nga mbështetësit kryesorë të Ukrainës në luftën kundër forcave pushtuese ruse.

/rtsh.al/