“Inzaghi? Gjithçka u vendos para finales, firma më pas për respekt”

Futboll Bota | 1 vit më parë

Esteve Calzada, CEO i Al Hilal, dha një intervistë për BBC-në në të cilën tregoi rreth mbërritjes së Simone Inzaghit. Fjalë që me siguri nuk do t’u pëlqejnë tifozëve të Interit në lidhje me kohën e marrëveshjes milionere me klubin arab. “Gjithçka ishte vendosur tashmë, por nuk u nënshkrua para finales vetëm sepse Inzaghi na kërkoi të prisnim nga respekti – fjalët e CEO-së – Mund të duket si diçka e papritur, por është rezultat i një pune të palodhur. Inzaghi ishte gati të luante një ndeshje shumë të rëndësishme dhe na kërkoi të linim gjithçka mënjanë deri pas finales”.

Mbi atë që Al Hilal pret nga Inzaghi. “Këtë sezon përfunduam të dytët, një rezultat nën ambiciet tona”, shpjegoi Calzada. “Thjesht, ajo që presim nga trajneri i ri është që ai të na ndihmojë të fitojmë përsëri dhe të rifitojmë kampionatin”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.