Në Neshvillë të Tenesisë ndeshja mes Los Angeles dhe Esperance Tunis ishte njëra prej atyre që nuk do të harrohen lehtë nga tifozët e skuadrave respektive.

Ekipi nga Tunizia tregoi karakter pasi mundi kalifornianët falë një  goli të Belaili-t në të 70’. Në stadiumin e qytetit ku ka lindur muzika country ishte prezente edhe aktorja e njohur Nicole Kidman, e cila sikur “kompensoi” mungesën e tifozëve në strukturën ku luan takimet e formacioni i Titans i NFL-së amerikane.

Shansin e artë për të evituar këtë humbje amerikanët e kishin në minutën e 100’ kur kryesori nga Norvegjia Eskas u akordoi një penallti. Bouanga mori përsipër ta ekzekutonte, por gjeti përballë një portier të përgatitur si Ben Said.

Pas dy ndeshjeve në Grupin D Flamengo ka marrë vendin e parë me 6 pikë ndërsa Chelsea dhe Esperance Tusin mbajnë respektivisht vendin e dytë dhe tretë me tri pikë secila. Në vendin e fundit qëndron Los Angeles, e cila i ka dhënë lamtumirën shpresave për tu kualifikuar për më tej pasi nuk ka asnjë pikë.