Lajmin për aksidentin ku humbi jetën Jota dhe i vëllai ka prekur të gjithë, por ky largim i parakohshëm nga jeta i dy futbollistëve të rinj është edhe më i vështirë për tu pranuar nga ata, të cilët kanë ndarë emicionet dhe hidhërimet në fushë së bashku.

Për Cristiano Ronaldo-n, humbja e madhe është e vështirë për tu pranuar pasi reagoi në rrjetet sociale me: “Kështu nuk ka kuptim”.

Të vështirë për të pranuar realitetin e kishte edhe shoku i skuadrës te Liverpool i Jota-s, Darwin Nunez: “Nuk kam fjalë për të përshkruar kaq shumë dhimbje. Do të të mbaj mend gjithmonë të buzëqeshur. Ishte një shok i mirë si brenda dhe jashtë fushe”.

Ndërsa Luis Montenegro, kryeministri i Portugalisë, nëpërmjet një letre kërkoi të shprente dhimbjen e tij: “Lajmi për vdekjen e Jota-s dhe të vëllait mund ta konsideroj tragjik. I ka dhënë shumë vendit tonë. Kjo është një ditë tragjike për familjen e dy djemve dhe për të gjithë ne”.

“Në këto momente nuk ndihem mirë. Zemra më është thyer pasi kam humbur një mik të mirë sepse Diogo nuk ishte vetëm një lojtar i tillë. I shpreh ngushëllimet e mia familjes”, ishin fjalët e Jurgen Klopp.