FSHF mirëpret raundet e para të kualifikueseve të Euro U-17 dhe U-19 për vajza

Sport | 1 vit më parë

Federata e Futbollit do të mirëpresë në muajt tetor, nëntor dhe dhjetor dy raundet e para kualifikuese të Kampionateve Europiane për vajzat U-17 dhe U-19.

FSHF është zgjedhur me konsensus nga UEFA dhe federatat pjesëmarrëse si vendi organizator dhe mikpritës i këtyre ndeshjeve të rëndësishme, që shënojnë nisjen e rrugëtimit drejt kualifikimit në Europianet përkatëse.

Në grupmoshën U-17, Shqipëria është shortuar në Grupin B2, së bashku me Greqinë, Izraelin dhe Estoninë. Ndeshjet e këtij grupi do të zhvillohen më 17, 20 dhe 23 tetor.

Ndërkohë, në kategorinë U-19, vajzat kuqezi bëjnë pjesë në Grupin B2 me Sllovakinë, Luksemburgun dhe Lihtenshtejnin. Sfidat janë planifikuar të zhvillohen më 25, 28 nëntor dhe 1 dhjetor.

Të dyja ekipet janë pjesë e Ligës B dhe do të tentojnë ngjitjen për herë të parë në Ligën A.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.