Në shtëpinë e Interit, Kristjan Asllani mbetet një enigmë. Mesfushori kuqezi nuk është më pjesë e planeve të klubit, por deri më tani situata ka qenë e ngadaltë për t’u zgjidhur. Në tre sezone me zikaltërit, ish-lojtari i Empolit nuk ka arritur të gjejë një rol kryesor dhe pas mbërritjes së Petar Sucic, drejtuesit vendosën ta nxjerrin atë në shitje për të mbledhur një shumë prej rreth 18-20 milionë eurosh për t’i riinvestuar në objektiva të tjerë transferimesh. Duket si një mision i vështirë, pjesërisht për shkak të shumave të përfshira dhe pjesërisht për shkak të qëllimeve të palës së interesuar, e cila synon të qëndrojë në Itali nëse shitet.

Duke refuzuar opsionin e Betisit, si për shkak se oferta e klubit spanjoll ishte shumë e ulët ashtu edhe për shkak se nuk ishte tërheqëse për lojtarin, marrëveshja e Asllanit aktualisht duket se ka ngecur. Në Serie A, Bologna dhe Fiorentina thuhet se po e ndjekin lojtarin shqiptar ditët e fundit, por dëshira e Interit për të negociuar vetëm për një transferim të përhershëm po i bën gjërat më të komplikuara.