Biznesmeni Elman Abdule është marrë zyrtarisht i pandehur. Ai u paraqit në Prokurorinë e Posaçme (SPAK) këtë të martë (22 korrik) ku iu komunikua akuza e pastrimit të parave. Abdule ndodhet aktualisht nën masën e sigurisë “arrest shtëpie”.

Ndërkohë, ditën e nesërme pritet t’i komunikohet akuza edhe kreut të bashkisë së Tiranës, Erion Veliaj, i cili ndodhet në paraburgimin e Durrësit.

Veliaj u arrestua më 10 shkurt 2025, në ambientet e Bashkisë së Tiranës, si i dyshuar për kryerjen e veprave penale të “Korrupsionit pasiv i funksionarëve të lartë shtetërorë ose të zgjedhurve vendorë”, kryer në bashkëpunim në 9 raste, si dhe për “Pastrimin e produkteve të veprës penale ose veprimtarisë kriminale”.

Në kuadër të këtij hetimi, edhe bashkëshortja e Veliajt, Ajola Xoxa, është marrë e pandehur, duke iu caktuar masa e sigurisë “detyrim paraqitje”.

/rtsh.al/