Programi bërthamor-Irani: Të gatshëm të rifillojmë bisedimet me SHBA-në nëse na plotësohen kushtet

Botë | 1 vit më parë

Zëvendësministri i Jashtëm i Iranit ka deklaruar se Teherani është i gatshëm të rifillojë bisedimet me Shtetet e Bashkuara të Amerikës mbi pasurimin e uraniumit dhe programin bërthamor por vetëm në rast se do të përmbushen kushtet e tyre.

“Irani është i gatshëm të rifillojë bisedimet bërthamore me Shtetet e Bashkuara për sa kohë që respektohen disa parime” është shprehur zëvendësministri i Jashtëm Kazem Gharibabadi, një ditë para një takimi me fuqitë evropiane në Stamboll.

Diplomati iranian tha se bisedimet mund të rifillojnë për sa kohë që njihen të drejtat e Teheranit në bazë të Traktatit bërthamor dhe nëse Uashingtoni ndërton raporte besimi me Teheranin dhe garanton se negociatat nuk do të çojnë në veprime të tjera ushtarake kundër Iranit.

/rtsh.al/

bisedimet

irani

RTSH

SHBA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.