Shqip
English
Français
Deutsch
Ελληνικά
Italiano
Srpski
TürkçeTuristët “pushtojnë” rivierën e jugut, Rama: Brigjet e Jonit, joshje me shikim të parë
Kryeministri Edi Rama ka shpërndarë pamje nga plazhet e Sarandës dhe Ksamilit, të mbushura me turistë vendas dhe të huaj, teksa thekson se riviera shqiptare mbetet një ndër destinacionet më të preferuara të verës.
Rama thekson se përveç bukurive natyrore, është edhe mikpritja shqiptare që po tërheq çdo vit e më shumë turistë nga e gjithë bota.
“Turistë nga gjithë bota po shijojnë këto ditë detin e mrekullueshëm, mikpritjen dhe plazhet publike të Sarandës dhe Ksamilit. Shumë prej tyre janë vizitorë besnikë, të tjerët të sigurt që do të rikthehen, sepse brigjet e Jonit janë joshje me shikim të parë dhe e përjetshme”, shkruan Rama.
Rritja e numrit të turistëve gjatë muajve të verës është kthyer në një tregues të qartë të zhvillimit të sektorit të turizmit, i cili mbetet një prej prioriteteve të qeverisë.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
