Zjarri në Markat të Konispolit, mjekë e infermierë ushtarakë ofrojnë ndihmë për banorët në terren

Aktualitet | 1 vit më parë

Pas shpërthimit të një zjarri në zonën e Markatës, në Konispol, ditën e djeshme, Forcat e Armatosura jo vetëm që morën pjesë në ndërhyrjen për shuarjen e flakëve, por u angazhuan edhe për të ndihmuar banorët në nevojë.

Mjekët dhe infermierët ushtarakë të Batalionit të Mbështetjes ishin të pranishëm në terren, duke ofruar ndihmë mjekësore për qytetarët që kishin probleme shëndetësore si pasojë e zjarrit apo tymit.

Ata u angazhuan për të ofruar ndihmë shëndetësore për banorët e prekur, duke treguar një tjetër dimension të rolit të Forcave të Armatosura në situata emergjente, kujdesin për jetën dhe mirëqenien e qytetarëve.

Përkushtimi i tyre u bë simbol i solidaritetit dhe gatishmërisë për të qenë aty ku nevoja është më e madhe.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.