Shkëndija fiton edhe në Bukuresht, tetovarët kualifikohen në turin e tretë të Champions League

Sport | 1 vit më parë

Shkëndija e Tetovës kualifikohet për në turin e tretë paraeliminator të Ligës së Kampioneve. Pas suksesit 1-0 në ndeshjen e parë, tetovarët kanë mposhtur Steauan edhe në ndeshjen e kthimit, duke fituar 2-1 në stadiumin “Arena Nationala” në Bukuresht.

Vendasit zhbllokuan sfidën në minutën e 28-të, por Liridon Latifi shënoi për Shkëndijën 5 minuta më vonë, duke rikthyer ekuilibrin. Në fundin e takimit Krstevski shënoi golin e fitores, që “blindoi” kualifikimin e tetovarëve.

Në turin e tretë paraeliminator të Champions League, skuadra e drejtuar nga tekniku Jeton Beqiri do të përballet me Qarabag, kampionen e Azerbaixhanit.

Shkëndija e Tetovës

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.