Meta kërkon ndryshimin e masës së sigurisë, avokatët mbrojtës depozitojnë kërkesën për mosqëndrimin në burg

Aktualitet | 1 vit më parë

Përfaqësuesit ligjorë të kreut të Partisë së Lirisë, depozituan pranë Gjykatës së Shkallës së Parë Kundër Korrupsionit dhe Krimit të Organizuar, kërkesën me objekt: zëvendësim të masës së sigurisë për zotin Ilir Metaj.

Sipas përfaqësuesve ligjorë, në argumentet e paraqitur në kërkesë thuhet se Prokuroria e Posaçme (SPAK) ka përfunduar hetimet ndaj ish-presidentit të Republikës, tashmë drejtues i Partisë së Lirisë, dhe rrjedhimisht nevojat për ta mbajtur ende në paraburgim nuk kanë më asnjë kuptim procedurial.

Ish-presidenti Meta u njoh me mbylljen e hetimeve dy ditë më parë. Ai ndodhet në paraburgim prej 21 tetorit të vitit të kaluar për akuzat e korrupsionit, pastrimit të parave dhe fshehjes së pasurisë.

/rtsh.al/

ilir meta

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.