Begaj dekreton Shefin e Shtabit të Përgjithshëm, gjenerallejtnant Arben Kingji merr një tjetër mandat

Aktualitet | 1 vit më parë

Gjenerallejtnant Arben Kingji, me dorën mbi Kushtetutë, u betua se do të drejtojë me përkushtim edhe për një tjetër mandat Forcat e Armatosura Shqiptare.

Presidenti Bajram Begaj, me ceremoni zyrtare në Presidencë në prani të Ministrit të Mbrojtjes, Pirro Vengu, dhe drejtuesve madhorë të ushtrisë shqiptare, i dha Arben Kingjit dekretin e mandatit të dytë në krye të ushtrisë shqiptare.

Arben Kingji e mori mandatin e parë si Shef i Shtabit të Përgjithshëm të Ushtrisë në 2 gusht 2022 nga presidenti Begaj dhe do ta ushtrojë këtë detyrë të lartë deri në 2028-ën.

Gjenerallejtnant Arben Kingji lindi në Kukës në vitin 1970. Ai ka kryer Akademinë Ushtarake “Skënderbej” në vitin 1993 dhe ka mbajtur detyra të larta në drejtim, ndërsa ka shërbyer edhe në misione ndërkombëtare, si në Afganistan dhe Irak.

Gazetare: Denada Shkodrani

/rtsh.al/

Arben Kingji

bajram begaj

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.