Bashkimi Evropian ka dërguar dy avionë zjarrfikës në Spanjë për të ndihmuar në luftën ndaj zjarreve, pasi vendi aktivizoi mekanizmin e ndihmës së fatkeqësive të bllokut për herë të parë. Ndihma vjen pasi vendi ka regjistruar 3 vdekje të lidhur me zjarret.

Ka shqetësime se zjarret mund të vazhdojnë të përhapet. Agjencia shtetërore e motit spanjoll Aemet parashikon se një valë e të nxehtit do të vazhdojë deri të hënën, me temperatura deri në 44C në disa zona, si dhe erëra të moderuara.

Spanja është vendi i pestë evropian që kërkon ndihmë për luftimin e zjarreve. Në Greqi, 25,000 hektarë tokë janë djegur që nga e marta. Dy avionë francezë Canadair mbërritën në rajonin veriperëndimor të Spanjës, Galicia, të enjten.

“Lufta kundër zjarreve nuk njeh kufij”, tha përfaqësuesi i qeverisë në rajon, Pedro Blanco.

Mijëra njerëz janë evakuuar nga shtëpitë e tyre në të gjithë vendin, teksa 700 të tjerëve u është thënë të largohen nga qytetet e tyre në provincën jugperëndimore të Caceres.

Zjarret janë një dukuri e zakonshme në të gjithë Evropën Jugore gjatë verës, por ashpërsia e tyre shpesh mund të përkeqësohet nga kushtet e valës së të nxehtit.

Të dhënat e BE-së tregojnë se rreth 629,000 hektarë tokë janë djegur në të gjithë bllokun që nga fillimi i vitit, me zjarret në Spanjë që përbëjnë rreth një të katërtën e totalit.

Ndërsa lidhja e ndryshimeve klimatike me ngjarjet individuale ekstreme të motit mund të jetë e vështirë, shkencëtarët thonë se ndryshimi i klimës në përgjithësi po i bën valët e të nxehtit më të nxehta, më të gjata dhe më të shpeshta.

Kushtet e zgjatura të nxehta mund të thajnë tokën dhe bimësinë, duke e bërë më të lehtë përhapjen e shpejtë të zjarreve. Greqia, Bullgaria, Mali i Zi dhe Shqipëria kanë aktivizuar gjithashtu mekanizmin e mbrojtjes civile të BE-së, i cili lejon çdo vend të goditur nga një fatkeqësi, si në Evropë ashtu edhe më gjerë, të kërkojë ndihmë emergjente.

Në Greqi, zjarret vijojnë për të tretën ditë radhazi, me frontet më të rrezikshme në ishullin Chios dhe në rajonin Achaia të Peloponezit. Deri më tani, 95 njerëz, përfshirë zjarrfikësit dhe civilët, janë plagosur.

Të dhënat e BE-së tregojnë se më shumë se 10,000 hektarë janë djegur në të gjithë vendin që nga mëngjesi i së martës.

Autoritetet kanë lëshuar një alarm të kuq, duke paralajmëruar rrezik shumë të lartë zjarri në Atikë, Greqinë Qendrore lindore, Evia, Peloponezin verilindor dhe Trakinë.

Në Chios, fronti i zjarrit shtrihet për dhjetëra kilometra dhe shumë banorë janë evakuuar nga deti.

/rtsh.al/