Aksident tragjik në Fier, ndërron jetë drejtuesi i motorit, plagosen dy të tjerë

Aktualitet | 1 vit më parë

Një aksident i rëndë ka ndodhur pasditen e sotme në aksin rrugor “Fier-Patos”, duke shkaktuar humbjen e jetës së një personi dhe plagosjen e dy të tjerëve.

Ngjarja ka ndodhur rreth orës 13:30, ku automjeti i drejtuar nga shtetasi A.A. është përplasur me një motor të drejtuar nga Gazmend Gropa, banues në Patos.

Si pasojë e përplasjes fatale, drejtuesi i motorit humbi jetën në Qendrën Spitalore Universitare “Nënë Tereza” në Tiranë, ku ishte dërguar për trajtim të specializuar.

Nga aksidenti mbetën të plagosur edhe drejtuesi i automjetit, shtetasi A.A., si dhe pasagjerja në makinë, shtetasja E.A. Të dy ndodhen në spital, nën kujdesin e mjekëve.

Grupi hetimor ka mbërritur në vendngjarje dhe po punon për zbardhjen e plotë të rrethanave dhe shkaqeve që çuan në këtë aksident tragjik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.