Sekretari i Mbrojtjes, Pete Hegseth, ka shkarkuar kreun e Agjencisë së Inteligjencës së Mbrojtjes (DIA), gjeneral-lejtnant Jeffrey Kruse. Shkarkimi vjen disa muaj pasi agjencia e tij publikoi një vlerësim inteligjence që, sipas disa burimeve, zemëroi Presidentin Donald Trump.

Vlerësimi i DIA, i cili u publikua në media, theksonte se sulmet e fundit amerikane kishin penguar programin bërthamor të Iranit vetëm për disa muaj. Ky raport binte ndesh me pretendimet e Trump dhe kryeministrit izraelit, Benjamin Netanyahu, të cilët sugjeronin se dëmet ishin më të rënda dhe afatgjata.

Në një konferencë shtypi pas sulmeve të qershorit, Hegseth kritikoi ashpër mediat, por nuk dha asnjë provë për të mbështetur pretendimet e presidentit për shkatërrimin e plotë të objekteve. Shkarkimi i Kruse nga pozicioni i tij vjen pas kësaj kontradikte, duke lënë të kuptohet se raportimi i tij i sinqertë mund të ketë qenë arsyeja e largimit.

/rtsh.al/