Aksident në aksin Shkodër-Koplik, plagosen anëtarët e një familje

Aktualitet | 1 vit më parë

Një aksident rrugor ka ndodhur mbrëmjen e së shtunës në aksin rrugor “Shkodër – Koplik”, pranë Urës së Vrakës, ku një automjet ka dalë nga rruga. Si pasojë, janë plagosur lehtë drejtuesi i mjetit dhe dy pasagjerët, të gjithë anëtarë të së njëjtës familje.

Sipas njoftimit paraprak të policisë, rreth orës 19:00, shtetasi me iniciale V. A., dyshohet se ka humbur kontrollin mbi drejtimin e automjetit, duke bërë që makina të dalë nga rruga.

Nga aksidenti kanë mbetur të plagosur lehtë V. A., K. A., dhe L. A., të cilët ndodhen nën kujdesin e mjekëve në spital. Fatmirësisht, ata janë jashtë rrezikut për jetën.

Grupi hetimor ka mbërritur në vendngjarje dhe po punon për të zbardhur rrethanat e plota të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.