Kryeministri izraelit Benjamin Netanyahu u shpreh sot me keqardhje të thellë për sulmin ajror në Spitalin Nasser në Khan Younis, Gaza, ku humbën jetën 20 persona, përfshirë pesë gazetarë.

Ai e përshkroi ngjarjen si një “aksident tragjik” dhe bëri me dije se po zhvillohet një hetim i plotë për ngjarjen.

Në një deklaratë të postuar në Twitter, Netanyahu theksoi se sulmet e ushtrisë janë drejtuar kundër terroristëve të Hamasit, ndërsa u shpreh se Izraeli vlerëson punën e gazetarëve, personelit mjekësor dhe civilëve të prekur nga ky incident tragjik.

Sulmi në spital shkaktoi dënime të gjera ndërkombëtare, me thirrje për një hetim të pavarur dhe për mbrojtjen e civilëve dhe gazetarëve në zonat e konfliktit.

Që nga fillimi i konfliktit në tetor 2023, mbi 60,000 palestinezë janë vrarë, ndërsa mbi 240 gazetarë kanë humbur jetën në Gaza, sipas të dhënave të Ministrisë së Shëndetësisë së Gazës dhe Sindikatës së Gazetarëve Palestinezë.

Israel deeply regrets the tragic mishap that occurred today at the Nasser Hospital in Gaza.

Israel values the work of journalists, medical staff, and all civilians. The military authorities are conducting a thorough investigation.

Our war is with Hamas terrorists. Our just…

— Benjamin Netanyahu – בנימין נתניהו (@netanyahu) August 25, 2025

/rtsh.al/