Aksident në Ballsh, një 7-vjeçare në spital pas përplasjes nga një makinë

Aktualitet | 1 vit më parë

Një aksident rrugor ka ndodhur tw enjten pasdite në qytetin e Ballshit, ku një vajzë e mitur, 7 vjeçe, është përplasur nga një automjet. Sipas informacioneve paraprake të Policisë së Shtetit, ngjarja ka ndodhur rreth orës 16:30.

Automjeti, i drejtuar nga shtetasi S. F., 18 vjeç, ka përplasur të miturën, e cila menjëherë është dërguar në spital për të marrë ndihmë mjekësore. Ajo ndodhet nën kujdesin e mjekëve, ndërsa gjendja e saj shëndetësore nuk është bërë e ditur.

Drejtuesi i automjetit, 18-vjeçari, është shoqëruar në Komisariat për veprime të mëtejshme. Grupi hetimor ndodhet në vendngjarje dhe po punon për të zbardhur plotësisht rrethanat dhe shkaqet e aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.