Moti i keq- 20 persona me lëndime paraqiten në Spitalin e Traumës

Aktualitet | 1 vit më parë

Moti i keq që përfshiu vendin pasditen e kësaj të shtune (30 gusht) ka shkaktuar edhe lëndime në njerëz. Burime për RTSH-në bëjnë me dije se në Spitalin e Traumës në kryeqytet janë paraqitur 20 qytetarë, ku 10 prej të cilëve janë larguar pasi kanë marrë mekimin, ndërsa 10 të tjerë vijojnë të marrin shërbim mjekësor në ambientet e spitalit.

Ata janë goditur nga objekte që u ngritën në ajër për shkak të erës së fortë dhe furtunës që përfshiu Tiranën.

Po ashtu, era e fortë ka thyer edhe disa pemë në kryeqytet, ndërsa shirat e dendur kanë shkaktuar përmbytje në disa qytete. Në Lezhë, Vlorë e Lushnjë uji ka bllokuar disa akse rrugore, teksa ka probleme edhe me furnizimin me energji elektrike në disa zona.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.