Policia e Tiranës raportoi të enjten, se një klinikë shëndetësore private, e cila nuk ka deklaruar të ardhurat që ka përfituar ndërsa janë gjetur edhe medikamente, të cilat dyshohet se kishin skaduar, por që përdoreshin nga stafi shëndetësor.

Blutë e kryeqytetit saktësuan, se hetimet për këtë klinikë kishin nisur prej muajsh nga ekspertët e sektorit të Krimit Ekonomik nga ku u faktua, se klinika përveçse nuk kishte deklaruar fitimet, shërbimet spitalore (kirurgji plastike) kryheshin me produkte të ndaluara, për përdorim. 

Gjatë këtij operacioni në pranga ra administratori i spitalit privat Edmond Zaja, ndërsa në kërkim janë shpallur dy bashkëaksionerët, 45-vjeçari turk Bilal Kara, 32-vjeç dhe Geriana Arapi 32-vjeçare.

Gjatë kontrolleve të kryera, blutë sekuestruan 100 blloqe me mandate të pafiskalizuara, 27 lloje medikamentesh të dyshuara të skaduara (prej shkurtit të vitit 2023) dhe 6 njësi kompjuterike.

Në këtë klinikë private është konstatuar se punonin punonjës  të pasiguruar.

Nëpërmjet lëshimit të faturave të pafiskalizuara, specialistët e krimit ekonomik thanë se, ishte kryer evazion fiskal me vlerë mbi 1 milionë euro.

Gjithashtu, në spital përdoreshin medikamente të dyshuara të kontrabanduara, të ndaluara për përdorim, nga autoritetet kompetente.

Gazetare: Flutura Tota

/rtsh.al/