Policia aksion antikanabis në Malësi të Madhe, 14 të arrestuar, 10 në kërkim

Aktualitet | 1 vit më parë

Një operacion i gjerë antikanabis është zhvilluar në Malësi të Madhe, duke çuar në pranga 14 persona, ndërsa 10 të tjerë janë shpallur në kërkim. Policia bën me dije se aksioni u zhvillua në fshatrat Alijaj dhe Jeran, në njësinë administrative Kastrat, ku këta persona dyshohen se kanë kultivuar 12 597 bimë kanabisi.

Nga kontrollet në banesat e tyre u gjetën dhe u sekuestruan në cilësinë e provës materiale 1.000 fara kanabis dhe 4685 kilogramë kanabis, në formë boçeje dhe një sasi në proces tharjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.