Zyrtare: Vangjel Mile nuk është më trajner i Tiranës

Abissnet Superiore | 1 vit më parë

Nuk ka qetësi te Tirana. Pas vetëm 2 javësh kampionat, trajneri Vangjel Mile largohet nga drejtimi i skuadrës bardheblu. Përmes një njoftimi zyrtar, klubi kryeqytetas njofton se ka ndërprerë me konsensus bashkëpunimin me teknikun.

“Klubi i Futbollit Tirana njofton se bashkëpunimi me trajnerin Vangjel Mile është ndërprerë në mënyrë konsensuale, pas një takimi me anëtarin e bordit drejtues, Grent Halili. Pas diskutimeve mes palëve, u arrit në përfundimin se kjo ishte zgjidhja më e mirë për arësye strategjike dhe në funksion të objektivave të klubit.

KF Tirana falenderon Vangjel Milen për kontributin dhe korrektësinë e treguar gjatë kësaj periudhe”, shkruhet në njoftimin e klubit.

Në orët në vazhdim pritet që klubi bardheblu të zyrtarizojë Roberto Bordin në postin e trajnerit.

Tirana

Vangjel Mile

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.