Operacion i gjerë antidrogë në qarkun e Elbasanit, 40 të shoqëruar. Sekuestrohet një sasi e konsiderueshme lënde narkotike

Aktualitet | 1 vit më parë

Një operacion i gjerë antidrogë është zhvilluar në qarkun e Elbasanit në orët e para të mëngjesit të kësaj të hëne (8 shtator) nga Policia e Shtetit dhe SPAK.

Bëhet me dije se 40 persona janë shoqëruar dhe po merren në pyetje, ndërsa operacioni është zhvilluar në 5 qytete të qarkut, konkretisht në Elbasan, Përrenjas, Gramsh, Cërrik dhe Belsh. Gjatë kontrolleve të kryera, policia ka gjetur dhe ka sekuestruar 3 armë kallashnikovë dhe një sasi të konsiderueshme lënde narkotike.

Operacioni përfshiu dhjetëra efektivë dhe u zhvillua në kuadër të një fushate për goditjen e grupeve kriminale dhe shpërndarësve të drogës, veçanërisht pranë shkollave.

Për momentin nuk bëhen me dije më shumë detaje rreth këtij operacioni.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.