KQZ i përgjigjet postës për pagesën: Nuk paguajmë pa vërtetuar nëse e keni kryer siç duhet shërbimin

Aktualitet | 1 vit më parë

Pak ditë pasi kompania postare DHL i kujtoi Komisionit Qendror të Zgjedhjeve pagesën e shërbimit që mundësoi votën e diasporës, Komisioni refuzon të paguajë faturën dhe kamatëvonesat.

Përmes një shkrese, kryekomisioneri Ilirjan Celibashi deklaron se 9 milionë eurot do të paguhen vetëm pasi të verifikohet cilësia e shpërndarjes se fletëve të votimit tek qytetarët jashtë vendit.

Ai gjithashtu kërkon që DHL-ja të tërheqë kamatëvonesat dhe sugjeroi një takim për të mbyllur kontratën.

KQZ-ja shpjegon se nuk ka mundur të kontrollojë deri tani nënshkrimet e 200 mijë votuesve për shkak të angazhimeve me proceset e tjera zgjedhore në funksion të 11 majit.

Gazetare: Jonida Omeri

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.