Konflikt në Tiranë, 29-vjeçari plagos me thikë 2 vëllezërit

Aktualitet | 1 vit më parë

Një 29-vjeçar është arrestuar nga blutë e kryeqytetit pasi plagosi me thikë dy vëllezërit e tij.

Policia sqaron se pas një konflikti të çastit, për motive të dobëta, 29-vjeçari ka qëlluar me mjet prerës dy vëllezërit e tij, përkatësisht 27 vjeç dhe 20 vjeç, të cilët janë dërguar në spital dhe ndodhen jashtë rrezikut për jetën.

Ngjarja është regjistruar paraditen e sotme (10 shtator) në rrugën e Paskuqanit.

“Pas marrjes së njoftimit, shërbimet e Komisariatit të Policisë Nr. 5, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit E. M., dhe shoqërimin e tij, në Komisariat, për veprime të mëtejshme procedurale.

2 shtetasit e dëmtuar ndodhen në spital, në kujdesin e mjekëve, jashtë rrezikut për jetën”, thuhet në njoftim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.