Kategoria e Parë në RTSH: Kukësi barazon me Lushnjën, Wilson i përgjigjet Cankës

Kategoria e Parë | 1 vit më parë

Në ndeshjen hapëse të javës së tretë në Kategorinë e Parë, në një sfidë që erdhi për shikuesit në ekranin e RTSH Sport, Kukësi nuk ka shkuar më shumë se një barazim 1-1 përballë Lushnjës në “Kukës Arena”.

Lushnjarët ishin të parët që kaluan në avantazh pa u mbyllur 15 minuta lojë. Pas një goditje dënimi nga e majta e sulmit, ishte Canka që kërceu mbi të gjithë duke goditur saktësisht me kokë.

Megjithatë, pas gjysmë ore lojë, verilindorë arritën të vendosin barazpeshën me një perlë të Wilson nga distanca. Mundësitë për shënim nuk munguan dhe në vazhdim, por rezultati mbeti i pandryshuar deri në fund.

Me këtë barazim Kukësi ngjitet në kuotën e 4 pikëve, ndërsa për Lushnjën ky është barazimi i tretë radhazi(3 pikë).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.