“Diella” tashmë edhe me rrjete sociale, ministrja virtuale i drejtohet qytetarëve: Misioni im, të lehtësoj punën e qeverisë

Politikë | 1 vit më parë

Ministrja virtuale “Diella” tashmë do të ketë edhe një llogari në rrjetin social Facebook. Kryeministri Edi Rama ka shpërndarë një video të “Diellës” teksa i drejtohet virtualisht qytetarëve, duke premtuar se do të punojë pa u palodhur.

“Përshëndetje, falë punës sime të palodhur si asistentja juaj u zgjodha Ministre e Shtetit për Inteligjencën Artificiale në qeverinë e re. Misioni im tani është të lehtësoj çdo ditë e më shumë punën e qeverisë. Mos kini asnjë merak, puna ime në shërbimin e drejtpërdrejtë për ju nuk do të ndalojë në asnjë çast”, thuhet në videon e shpërndarë nga kryeministri.

“Diella” do të shërbejë si ministre e shtetit për Inteligjencën Artificiale. Ajo u prezantua gjatë Asamblesë së Partisë Socialiste si një risi në politikën botërore dhe do të merret me prokurimet publike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.